A vaga soberanista ganha força claramente independentista e aposta por construir o país em chave de esquerda. Isso é o que reflete o jornal La Vanguardia a um ano das eleiçons (outubro 2012) e que deixa um panorama em que só as forças de esquerda e independentistas (ERC e as CUP) incrementam representaçom. O resto, perde escanos.

A sondagem indica que o independentismo social-democata de Esquerra já lhe disputa a supremacía à direita independentista de CIU. Ambas as formaçons empatam em número de cadeiras: 36/37. ERC subiria entre 15 e 16 (tivo 21 nas passadas eleiçons de outubro de 2012). CIU baixaria entre 13 e 14.

Ascenso

A esquerda revolucionária das CUP duplicariam a representaçom e teriam seis cadeiras frente às 3 que tenhem agora. Un aumento que afortala o independentismo mais combativo e numha chave de crítica total do sistema.

No que atinge à esquerda federalista de Iniciativa per Catalunya-Els Verds (IC-V), manteriam a representaçom (13) no melhor dos casos, se bem a sondagem assinala a possibilidade de que perda um escano.

Queda do espanholismo

A terceira foça no Parlament, o federalismo social-democrata do PSC, perde segundo este estudo de 4 a 5 deputados, caindo dos 20 que tem agora a 15/16. Na mesma linha está o Partido Popular, que caeria até os 14 ou 15 escanos (em outubro de 2012 tivo 19).

A única forza espanholista e de direitas que nom baixaria seria Ciutadans, que se houvesse agora eleiçons manteria os 9 representantes que tivera daquela.