Por umha Bretanha reunificada e polo direito a decidir. Sob esta chamada marchárom em Nantes o passada fim de semana cerca de 15.000 pessoas (segundo a organizaçom, a Polícia rebaixa a cifra a 9.000). O protesto demandava um referendo para que o Loira Atlántico poda separar-se da regiom de País e reunifircar-se com Breizh (a Bretanha), na qual ficava historicamente.
A marcha estava convocada por Bretagne Réunie e Breizh=44 e apoiada por diferentes coletivos e entidades culturais, sindicais, políticas e sociais. Paris iniciou umha proposta de reforma territorial da República que, porém, mantén o ‘status quo’ a respeito de Breizh, separando artificialmente este país entre duas regions.
Além do mais, o nacionalismo bretom trabalha para que o debate sobre a reunificaçom nom se desligue da demanda de maiores cotas de autogoverno.
“Ao serviço da cidadania e a prosperidade”
O nacionalismo aposta por umha reforma territorial “de espaços culturais, económicos e humanos, ao serviço da cidadania e da prosperidade”, com umha Breizh unificada (4,4 milhons de habitantes), com capital em Brest e com Nantes e Rennes como principais cidades.