Gales, é umha das naçons que integram a Gram-Bretanha. Poderá votar em referendo antes de 2020 se quer aumentar as competências em matéria fiscal, recadando e gerindo parte do imposto sobre a renda, para além do poder de decisom do governo galês sobre se baixar ou subir impostos e como e aonde destiná-los. Um novo pacto fiscal, poderia-se dizer.

O anúncio foi feito polo primeiro ministro británico, David Cameron, que mesmo afirmou que “durante demasiado tempo as decisons sobre o futuro do Gales tomárom-nas burocratas a centos de milhas de distáncia, em Westminster (parlamento británico)”. O lider británico conservador quer com esta jogada, para alguns analistas, reforçar e ampliar a autonomia galesa (Gales goza de governo e assembleia próprios desde 1999) como parapeito que afaste o apoio a opçons independentistas.

Cymru 

A Assembleia Nacional do Gales (Cynulliad Cenedlaethol Cymru) é o Parlamento desta nación histórica, um órgao composto por 60 deputad@s. Desses 60 escanos, 11 som de Plaid Cymru (Partido de Gales), a principal organizaçom política nacionalista, que obtivo o 11,3% dos votos nas eleiçons de 2011 à assembleia. Tem, também, 3 deputad@s no Parlamento de Westinster e umha eurodeputada em Bruxelas, onde o Plaid Cymru está integrado na Aliança Livre Europeia.

Das naçons sob soberania británica Cymru é na que o idioma próprio é mais falado. Desde e logo, moito mais que o gaélico-irlandés na Irlanda do Norte e o gaélico escocês na Escócia. O estudo de uso da língua galesa (Cymraeg) de 2004 indica que 21.7% da populaçom de Cymru é falante de galês. O censo de 2001 também mostra que sobre 25% dos residentes em Cymru nasceram fora deste país.