The Sunday Times publica umha sondagem sobre intençom eleitoral do povo escocês, quer numhas eleiçons ao Parlamento da Escócia quer no que atinge ao referendo de autodeterminaçom que terá lugar neste país em finais de 2014.

Quanto à consulta, e segundo os dados do diário británico, o apoio ao sim à independência seria do 37 por cento, 9 por cento menos que os votos contra (46%). O SNP (Partido Nacionalista Escocês) já mostrou a sua satisfacçom com estes resultados, pois lembram que o apoio à independência está a crescer paulatinamente. Em finais de 2012, as sondagens situavam esse respaldo aquém de 33%.

Na intençom de voto para o Parlamento escocês, o triunfo do nacionalismo independentista é absoluto. O SNP, que governa com maioria absoluta ao obter em 2011 44% e 69 escanos, aumentaria os seus apoios nuns 3% e atingiria 48% das cadeiras de Edimburgo. O Parlamento da Escócia consta de 129 escanos.

Unionismo perde 5 por cento dos votos

O Partido Laboralista teria 30% dos votos, 2% menos que há dous anos; e o Partido Conservador atinxiría 13% e ficaria nos 1%. Ambos os partidos unionistas conseguiriam, pois, 43% dos apoios, cinco pontos aquém do SNP.

Os Liberal Democratas teriam a maior queda pois perderiam metade dos seus apoios: de 8% que tivérom em 2011 a 4% que lhes outorga este estudo.