A ato foi marcado para às 17:15 horas de 11 de setembro em 46 municípios da Catalunha, desde El Pertús (perto dos Pirineus) até Alcanar (País Valenciano). A finalidade: somar milhares de maos numha gigantesca cadeia humana para reivindicar a independência da Catalunha.
A Assembleia Nacional Catalá (ANC) e Òmnium Cultural convocam neste 11 de setembro, umha data chave para o nacionalismo catalám, um grande ato de massas. “Umha nova mostra de força do sobernismo que mostre o apoio popular que a independência nacional tem na Catalunha”, em palavras de Carme Forcadell, da ANC.
"A Manifestaçom do 11-S de 2012 foi perfeita, nom se pode superar, polo que o 11-S deste ano organizaremos a grande cadeia humana pola independência ao longo de todo o território", anunciárom há umhas semanas porta-vozes da ANC.
Novo pulo
Para informar e apoiar esta iniciativa foi criado um site ( via.assemblea.cat ) e até o HT #viacatalana. Os e as organizadores estám convencidas do sucesso da iniciativa e de que milhares de pessoas farám parte ativa na mesma.
Por seu turno, também no País Basco foi convocado, embora para 2014, umha grande corrente humana em prol do direito de autodeterminaçom que unirá as vilas de Durango (Biscaia) e Pamplona (Navarra). As previsons som que participem desta marcha mais de 50.000 pessoas.