Xoán Ramón Doldám, que foi entrevistado recentemente polo Diário Liberdade, viajou a Ferrol, convidado pola Fundaçom Artábria, para fazer umha exposiçom técnica, com o olhar do economista e do ambientalista, sobre a polémica em torno do chamado Decreto do Carvom e as suas implicaçons para a Galiza.
Porém, o professor Doldám foi além do caso concreto das Pontes e Meirama, analisando a realidade energética galega atual e os seus desafios futuros, com umha óptica de defesa das energias renováveis, a reduçom e a racionalizaçom do consumo energético.
Na palestra analisárom-se também falsas alternativas, como a nuclear, e alertou-se para o colapso que poderá chegar em poucas décadas se continuar a implementar-se o atual modelo energético no mundo.