(Todo o material gráfico incluído nesta informaçom é trabalho próprio dos repórteres do Diário Liberdade ou recebido na nossa redacçom, de reproduçom livre, de preferência citando a fonte)

Aconteceu neste sábado, dia 24 de Julho, na capital galega, Compostela, durante umha manifestaçom pacífica convocada por Briga, organizaçom juvenil da esquerda independentista galega.

Quando as 150 pessoas que se manifestavam pola independência galega e contra a crise capitalista quigérom aceder à zona velha da cidade, por volta das 22h30 horas, produziu-se umha carga indiscriminada que acabou com duas moças no hospital e muitas mais feridas e espancadas.

Apresentamos umha pequena mostra gráfica de uns factos que se repetem com demasiada freqüência nas ruas da Galiza, onde a polícia espanhola pratica umha violência indiscriminada contra os sectores populares que se manifestam por causas justas, e que a esquerda independentista e anticapitalista sofre de maneira especialmente dura.

Fiquem estas imagens como testemunho do que dizemos, que complementa as informaçons que já demos no mesmo momento em que se produziu a carga policial, no passado sábado.

Só umha pergunta final: será que vale todo contra quem se recusa a assumir a injustiça e o actual estado de cousas na Galiza, naçom oprimida polo Estado espanhol?