(Todo o material gráfico incluído nesta informaçom é trabalho próprio dos repórteres do Diário Liberdade, de reproduçom livre, de preferência citando a fonte)

A polícia, cuja presença foi abafante ao longo da tarde, finalmente nom impediu, como num princípio parecia, a realizaçom desta terceira ediçom da cadeia-humana de CEIVAR. 

No discurso final, na praça 8 de Março, os fardados fôrom embora e evitárom o confronto com as manifestantes.

19:40. Após momentos de tensom na Praça da Galiza as pessoas solidárias com os presos decidem sair em manifestaçom.

A polícia arrodeia-as. Ao fundo duas carrinhas de polícia de choque controlam os manifestantes. O pessoal avança pola rua Virgem da Cerca em direcçom à praça 8 de Março. No cortejo várias fotos de presos independentistas galegos, umha faixa e berros pola sua liberdade, contra a tortura e contra a política repressiva do Estado espanhol.

19:29. A polícia espanhola está a identificar o pessoal concentrado.

Os fardados mesmo estám a pedir a identificaçom a jornalistas que nestes momentos estám a cubrir o acto.

Começam a viver-se os primeiros momentos de tensom. A polícia arrodeou a praça e chegárom muitas mais carrinhas.

19:14. Segundo informaçons de última hora a Subdelegaçom do Governo espanhol denegou a permissom ao Organismo Popular Anti-repressivo CEIVAR da III Cadeia humana pola liberdade dos presos independentistas galegos.

A concentraçom está marcada para começar às 19:00 na Praça da Galiza da cidade de Compostela. A seguir, continuaremos a informar nos próximos minutos sobre o desenvolvimento do acto.

Concentraçom contra o negócio do Jacobeu inicia actos polo Dia da Pátria em Compostela

Mais de 80 pessoas concentrárom-se a partir das 13 horas na praça da Galiza, convocadas por NÓS-Unidade Popular.

13:45. Passadas as 13 horas da tarde deste 24 de Julho, com um dia ensolarado e 25 graus de temperatura, começou a concentraçom convocada pola organizaçom independentista e socialista galega NÓS-Unidade Popular.

Com umha faixa de grandes dimensons segurada por numerosas pessoas, as mais de 80 pessoas congregadas coreárom desde o primeiro momento palavras de ordem contra o desvio de fundos públicos ao financiamento da Igreja Católica e contra a ocupaçom policial de Compostela durante as últimas semanas.

Pessoas que passavam pola central praça da Galiza mostrárom simpatia pola iniciativa, aderindo nalguns casos. Junto à faixa e à distribuiçom de folhetos explicativos denunciando a grande operaçom económica e policial que envolve o Jacobeu, numerosas bandeiras da Galiza e cánticos em favor da Pátria Galega e a independência.

Destacável a escassíssima presença policial, que parece indicar um interesse governativo por nom tensionar o ambiente no dia principal das festas da cidade, com milhares de turistas nas ruas. Durante as próximas horas, veremos se se mantém a "prudência" ou começam as provocaçons policiais costumeiras.

Continuaremos informando ao longo da tarde.

Lembramos que às 19 horas está convocada Cordom Humano pola Liberdade dos Presos.

Às 12 horas (horário galego-português) começamos acompanhamento das mobilizaçons

Em breves minutos começaremos o acompanhamento da jornada do 24 de Julho, véspera do Dia da Pátria Galega.

Convidamos-vos desde já a visitar-nos ao longo do dia de hoje, pois esperamos poder dar-vos pontual informaçom das novidades que se forem produzindo.

Lembramos que às 13 horas (horário do Estado espanhol) começa o primeiro evento convocado para hoje polo independentismo galego: umha concentraçom na praça da Galiza contra o negócio do Ano Santo Jacobeu. A polícia ocupa já há meses a capital galega e neste dia a sua presença é ainda mais evidente.

A concentraçom é convocada por NÓS-Unidade Popular e é a primeira de umha série de mobilizaçons sucessivas. À tarde haverá concentraçom de Ceivar (19 horas do Estado espanhol) e manifestaçons da organizaçom juvenil independentista BRIGA (22 horas do Estado espanhol) e da Assembleia da Mocidade Independentista (23 horas do Estado espanhol).

Já no dia 25, amanhá, decorre a manifestaçom convocada por Causa Galiza em defesa da soberania nacional galega.

Em todas elas esperamos poder participar e informar-vos minuto a minuto.

O sol brilha no céu de Compostela e a temperatura é boa.

Até breve.