Será no próximo sábado, dia 29 de Maio, no Centro Social O Pichel, na capital da Galiza. Reproduzimos a seguir o comunicado remetido por Primeira Linha, com o programa e as biografias das e dos participantes nas Jornadas:
Escócia, Córsega, Países Cataláns e Porto Rico: quatro realidades similares à Galiza na luita pola soberania e a defesa dos seus sinais de identidade nacional
Compostela, 24 de Maio de 2010.- A formaçom política Primeira Linha organiza as XIV Jornadas Indenpendentistas Galegas, nesta ocasiom centradas nas consequências que a crise económica está a provocar nas naçons sem Estado, -caso de Galiza-, e os limites que esta situaçom impom à capacidade para adoptar medidas na defesa dos seus interesses nacionais e, em particular, da classe trabalhadora.
As Jornadas, -que levam por título "Quatro realidades similares à da Galiza. As luitas de libertaçom nacional no centro capitalista"-, contarám com a participaçom de destacad@s líderes políticos da esquerda nacional da Escócia, Córsega, Países Cataláns e Porto Rico, países que compartilham com a Galiza umha realidade similar: ser naçons sem Estado e contar com a a existência de movimentos de reivindicaçom nacional que se plasmam na demanda de soberania e na defesa do idioma próprio como um dos seus sinais de identidade.
Estas jornadas, abertas ao público, terám lugar Sábado 29 de Maio no Centro Social Gentalha do Pichel, (Rua Santa Clara 21, Compostela).
Mais informaçom: Carlos Morais, Secretario geral de Primeira Linha
Telf. Contacto: 616 868 589
Programa
11:00. Galiza e Países Cataláns frente ao assimilacionismo espanhol
Alberte Moço, Porta-voz nacional de NÓS-UP (Galiza)
Aquiles Rubio i Villalvilla, Endavant-OSAN (Países Cataláns)
16.30. Escócia, Córsega e Porto Rico, três luitas anti-imperialistas
Johanna Dind, Scotish Socialist Party (Escócia)
Paulu Antone Susini, Corsica Libera (Córsega)
Salvador Tió, independentista portorriquenho (Porto Rico)
19:00. Cinco realidades, um mesmo combate
Johanna Dind
Alberte Moço
Aquilles Rubio i Villalvilla
Paulu Antone Susini
Salvador Tió
Biografias d@s participantes
Salvador Tió
Porto Rico, 1946. Licenciado em Filosofia pola Universidade de Porto Rico e em Direito pola Universidade de Harvard. Como advogado, dedicou-se principalmente à defesa de grupos marginalizados como os Sem Terra e Sem Teito, os trabalhadores imigrantes agrícolas e os perseguidos políticos. Militou no Partido Independentista entre 1964-1973 para, posteriormente, colaborar com o Partido Socialista Portorriquenho.
Em 1979 é detido na Ilha de Vieques por interferir nas práticas de tiro da Marinha de Guerra norte-americana. Em Nova Iorque dirigiu o Gabinete Regional de Serviços Legais e a Uniom de Liberdades Civis desse Estado. Foi professor de Direito na Universidade de Porto Rico. Actualmente fai parte da Presidência Colectiva do Movimento Continental Bolivariano (MCB) representando Porto Rico, e exerce como Assessor geral de grupos ambientalistas e como advogado defensor de militantes do movimento socialista, comunista e independentista portorriquenho.
Johanna Dind
Suíça, 1970. Tras residir na Finlándia e no Canadá, desde 2006 vive em Edimburgo, Escócia. Fala francês, finês, inglês, espanhol, alemám e italiano. Exerceu de professora de francês na British Columbia (Canadá), e para o Governo da República Suíça em Genebra no gabinete de protocolo e relaçons exteriores. Na actualidade trabalha como chefa de apoio de projecto para umha empresa de serviços.
Participou no sindicato de professores no Canadá. É activista dos direitos humanos e dos Povos Indígenas, tendo trabalhado para o Foro Permanente para as Questons Indígenas da ONU e para o Centro de Documentaçom, Investigaçom e Informaçom dos Povos Indígenas, em Genebra.
Membro do Comité Executivo do Partido Socialista da Escócia (Scottish Socialist Party – SSP) desde 2007. É secretaria regional para a regiom de Lothians, em Edimburgo.
Paulu Antone Susini
Ajacciu (Córsega), 1972. Mora em Carbuccia, no sul do país, onde é eleito municipal.
De 1990 a 2003 foi responsável da organizaçom estudantil independentista Ghjuventu Paulina. Membro fundador da força independentista Rinnovu. Em 2009 participa na fundaçom de Corsica Libera, e forma parte da Executiva Nacional desta entidade, que reagrupa ao conjunto das correntes independentistas e soberanistas da Córsega.
Alberte Moço
Vigo, 1982. Desenhador gráfico. Militante da esquerda independentista e activista dos movimentos sociais, onde destaca a súa trajectória organizativa no associacionismo popular -Associaçom Viguesa pola Memória do 36, Associaçom Galega de Amizade com a Revoluçom Bolivariana, CIG-Mocidade, Associaçom Cultural Obreira Maçarico-. Fai parte do Comité Central de Primeira Linha e é Porta-voz nacional de NÓS-UP desde 2009.
Colaborador habitual do Abrente, escreve artigos de opiniom em diversas publicaçons periódicas digitais.
Aquiles Rubio i Villalvilla
Madrid, 1974. Criado em Eivissa reside em Alacant desde 1992. Militante de Endavant (OSAN) desde a sua fundaçom, forma parte do Comité Local de Alacant, além de ser o responsável de formaçom desta organizaçom revolucionária marxista no País Valencià e exerce de director da Tanyada, a revista de debate e formaçom. Membro da Coordenadora Obreira Sindical, é delegado sindical em Aire Libre, cooperativa de ensino na qual trabalha como professor de história desde 1998. Petence à Brigada Catalá Venceremos de Solidariedade com Cuba da esquerda independentista.
Colabora habitualmente no Accent, jornal popular dos Países Cataláns.