Um engenho incendiário que nom chegou a rebentar parece ter sido o meio de ataque anónimo contra a empresa seguradora, sediada no número 20 da avenida de Rubine. Polos vistos, o cocktail começava a arder quando foi apagado por "empregados dos escritórios" que se encontravam no interior, segundo alguns meios.
As mesmas fontes indicam que o engenho era formado por "um bote cheio de líquido e envolto em papel, do qual sai umha pequena mecha acesa". Contra a possibilidade de umha motivaçom política, vários meios da burguesia apontam para umha "represália ou vingança", se bem nom houvo maiores concreçons, o que deixa em aberto as verdadeiras causas do ataque contra umha firma de um setor, o das seguradoras, relacionado com as medidas antissociais aplicadas polo patronato e o governo contra as trabalhadoras e trabalhadores.