A escassez de petróleo e a mudança climática: “terrível” dilema, diante da promessa dumha demanda de energia que, segundo a AIE, aumentaria 47% até 2050.
A AIE revisou á alça em 15% as suas previsons das necessidades de investimento mundial en energia: 1,5 bilhons de dólares ao ano, 2,6% do PIB mundial na atualidade. Umha quarta parte destes investimentos deveria dedicar-se ao petróleo, “que se torna a cada vez mais caro de extraer”, dixo Fatih Birol, economista chefe da AIE.
A AIE, encarregada de aconselhar os países ricos da OCDE, estima que a cada ano, a produçom de campos de petróleo maduros declina de 2,5 a 3 milhons de barris por dia. Isto significa que o equivalente à produçom do Iraque deve destinar-se cada ano só para compensar (declaraçom um pouco menos alarmista que a que emitiu a companhia Shell).
Fatih Birol alerta
«90% de crescimento da produçom virá do Oriente Meio. Se em cinco anos, os investimentos em infraestruturas nom se concentram nesta regiom, haverá importantes implicaçons para os preços do petróleo, que se dispararám.»
Segundo o economista chefe da AIE, a porta que evitaria um aquecimento global superior a 2° C pode estar a fechar-se, segundo informa o Wall Street Journal.
O diário de negócios de Nova Iorque diz:
«A reuniom concluiu com a constataçom de que o carvom será essencial para atender o crescimento da demanda, e que a única esperança de conter o aumento de temperaturas é aguardar a invençom de tecnologias mais baratas para capturar CO2 que “finalmente permitam usá-lo de maneira mais benigna para o ambiente”.»
Traduçom ao galego em Vespera de Nada, adaptada à grafia internacional polo Diário Liberdade
Foto: Petróleo