Um grande número de policiais apoiados com duas tanquetas e um helicóptero despejárom o centro social ocupado ruindo umha parede e inçando o seu interior com gases lacrimogéneos, andar após andar até chegarem ao telhado onde estava a maioria dos ativistas a ondearem bandeiras de Kukutza e a gritarem palavras de ordem contra o despejo. Cargas policias nos arredores, 25 detidos e três dúzias de feridos é o balanço do despropósito policial, primeiro passo para efetuar o derrubamento.
Após a conferência de imprensa, centos de pessoas dirigirom-se ao gaztetxe, onde estavam personagens conhecidas como Karmelo Landa, Oskar Matute ou Dani Maeztu e Dani Murgia (Aralar). Também estava o parlamentário de EA em Gasteiz Juanjo Agirrezabala, quem, em qualidade de representante institucional pediu que lhe deixassem aceder ao cerco imposto polos agentes, dado que no interior havia feridos, estes negárom-lhe o aceso alegando que "só cumprimos ordens". Para hoje à tarde (hora basca) tinham convocada umha manifestaçom.
Bildu de Bilbau mostrou a sua solidariedade com a Kukutza, através dos vereadores abertzales Txema Azkuenaga e Aitziber Ibaibarriaga que se interesárom polos membros do gaztetxe e denunciárom que o Departamento de Interior e a Cámara optassem pola "brutal violência" em lugar de buscar umha soluçom consensuada. Aliás, Azkuenaga recordou que o mesmo vereador de Urbanismo reconheceu que era possivel umha soluçom política, e por isso, criticou com maior dureza a decisom de "intervir".
A secretária geral de LAB, Ainhoa Etxaide, reconheceu para Rádio Popular a "funçom social" do gaztetxe e declarou "Nom é aceitável a violência policial que nestes momentos se está a utilizar em contra da vizinhança. Umha senhora com as ancas partidas, nom acho que seja umha questom de ordem pública ou justificaçom pública".
O Ararteko (defensor o povo basco) decidiu abrir um expediente informativo, de ofício, para pesquisar as circunstáncias da atuaçom da Ertzaintza perante a execuçom da ordem judicial de desalojamento e auxílio para o derrubo de Kukutza, segundo informou a própria instituiçom.
Parlamentares de EB, Aralar e EA na cámara de Gasteiz censurárom a atuaçom da Ertzaina e anunciárom que pediram a comparecência do conselheiro de Interior, Rodolfo Ares. Também a agrupaçom de Bildu na Cámara de Bilbau levará a questom a pleno que terá lugar amanhá.
Finalmente a Juíza do julgado número 5 de Bilbau aceitou a trámite a petiçom da associaçom de vizinhos e vizinhas de Errekalde, Errekaldeberriz, e paralisa cautelarmente a licença de derrubamento do Gaztetxe Kukutza.
10, 100, 1000 CENTROS SOCIAIS!