O candidato à presidência da Cámara de Ponte Areias de Esquerda apresentou, em nome da candidatura soberanista e de esquerda, umha denúncia perante a Junta Eleitoral de Zona para que o Faro de Vigo deixe de censurar a existência de mais umha candidatura das que esse meio da direita espanholista reconhece.
Por seu turno, PODES (Porrinho de Esquerda) informa no seu blog da tentativa do BNG de que seja retirada a publicidade eleitoral de PODES no espaço que lhe foi atribuído pola Junta Eleitoral da Zona de Tui, o que atribui ao "grande trabalho levado a cabo por PODES na pré-campanha".
Reproduzimos a seguir o texto da denúncia de Ponte Areias de Esquerda e o comunicado de PODES.
Veto no Faro de Vigo às candidaturas de esquerda soberanista anticapitalista
Apresentamos a seguinte denúncia na Junta Eleitoral de Zona de Ponte Areias
Eu, Abraám Alonso Pinheiro, maior de idade e vizinho de Ponte Areias com domicílio em Rua Fermim Bouça Brei nº3, 7ºG, com telefone de contato 633 410 401, em representaçom de Ponte Areias de Esquerda
Expom:
Às 12:15h de 4 de Maio de 2011 recebi correio eletrónico com as ligaçons de Faro de Vigo:
http://mas.farodevigo.es/elecciones2011/municipales/ponteareas/candidatos.html
http://mas.farodevigo.es/elecciones2011/municipales/porrino_o/candidatos.html
http://mas.farodevigo.es/elecciones2011/municipales/salvaterra_de_mino/candidatos.html
Na informaçom que aparece nos espaços correspondentes aos links, nem eu como candidato a alcaldia de Ponte Areias por Ponte Areias de Esquerda, nem Lara Soto Gonçales nem David Pichel Freiria de Salvaterra de Esquerda por Salvaterra e Minho e Porrinho de Esquerda por Porrinho respetivamente, aparecemos recolhidos entre os candidatos/as e candidaturas que se concorrem o 22 de Maio às eleiçons municipais.
Considero que Faro de Vigo além de proporcionar ao eleitorado umha informaçom errónea, está a condicionar o processo eleitoral e os resultados de 22 de Maio ao promocionar umhas siglas e ocultar outras num espaço que apresenta como informativo e nom é portanto publicidade contratada por nengum dos partidos.
Todo o tempo que essa informaçom esteja publicada sem corrigir o erro, redunda em benefício das demais candidaturas e em prejuízo da nossa, provocando maior dano ao processo eleitoral ao concurrir em condiçons de desigualdade com as outras candidaturas num meio que pretende informar verazmente a respeito das candidaturas disponíveis para o eleitorado votar em 22 de Maio.
Solicita:
Que esta JEZ tome todas as medidas necessárias para que Faro de Vigo corrija quanto antes o erro cometido.
Que se solicite a Faro de Vigo a publicaçom de desculpas públicas a Ponte Areias de Esquerda, Salvaterra de Esquerda e que se ponha em conhecimento da JEZ de Tui o caso por afetar a umha candidatura da sua Zona.
Que se estude o possível cometimento por parte de Faro de Vigo de um delito eleitoral e que os tribunais iniciem o processo correspondente se assim for.
A atençom da JEZ de Ponte Areias
Assdo:
Ponte Areias 4 de Maio de 2011
Recurso do BNG à Junta Eleitoral para tentar eliminar espaços outorgados a PODES
O Bloque Nacionalista Galego (BNG) do Porrinho, interpom um recurso ante a junta eleitoral de zona Tui, contra Porrinho de Esquerda, pola atribuçom de espaços para propaganda eleitoral.
Pretendem assim limitar a pressença de PODES na Campanha eleitoral.
Isto demostra o nervosismo que impera nas suas fileiras e a falta de confiança que tenhem e no seu projeto político, fazendo fraco favor tanto á sua Candidatura como á sua militancia.
Consciente o BNG Do gram trabalho levado a cabo na Precampanha de PODES e asustado pola aceitaçom que estam tendo as suas propostas na vizinhança de Porrinho, opta pola guerra suja e as patranhas administrativas, como para poderem evitar o fracasso estrepitosso que está a petar na sua porta.
Aliás, fica en evidência que ao BNG nom lhe interessa o máis mínimo a pluralidade democrática e atua ao máis puro estilo da direita reacionária.
A liberdade de expressom é un direito de todas e nom nos vam calar!!!