A escusa para a campanha é a publicaçom por parte do Consulado da República Bolivariana da Venezuela na Galiza, com o apoio da Associaçom Galega de Amizade com a Revoluçom Bolivariana, de um livro sobre as origens galegas de Simón Bolívar.

O livro, da autoria de José Sesto foi publicado em galego há um ano e meio, em 2009, em ediçom bilíngüe galega e espanhola, contando como prólogo com textos do arquitecto César Portela e do secretário-geral de Primeira Linha, Carlos Morais.

A partir desse simples facto, o "intrépido" repórter do El Mundo, Herminio Carcacía, monta umha delirante reportagem em que se misturam siglas, bombas, palestras, presos e "provas" do que chama "relaçons cordiais entre o independentismo galego e a órbita bolivariana". As tais provas apresentadas polo panfleto direitista madrileno som a visita recente à Galiza de Luís Villacís (dirigente do MPD equatoriano) e de Néstor Kohan (reconhecido marxista argentino). Por acaso, nengum deles venezuelano, mas tanto tem...

A criminalizaçom das ideias anticapitalistas e independentistas é umha constante nas duas páginas ilustradas em cores na ediçom desta segunda-feira dia 12 de março por um dos jornais referenciais da direita espanhola, El Mundo, que dirige Pedro J. Ramírez. Entre as "acusaçons" contra a AGARB e a esquerda independentista, destaca a de utilizarem o "gallego reintegrado, con calcos do portugués" (sic), "una variante que no reconoce ninguna de las instituciones acreditadas" (?!); ao que se somam as viagens "regulares, pero secretas" dos dirigentes galegos aos "países revolucionários".

A foto principal da reportagem é apresentada como sendo do 18 de março (há três dias), quando na realidade corresponde a um Dia da Pátria de há vários anos em Compostela. A isso somam-se referências descontextualizadas aos presos políticos galegos, aos centros sociais e à literatura galega de Ramom Cabanilhas, concluindo tam indigesta refeiçom com os versos patrióticos do poeta de Cambados, morto em 1959, como prova do "terroristas" que somos os independentistas galegos:

"Son disciplinados y confian en que, cuando menos se piense, se materializará el verso: 'Correrá o sangue a regos' (correrá la sangre a riegos)"

Parece umha brincadeira pópria do Dia dos Enganos, mas nom... De facto, este é o nível atual do jornalismo mais ordeiro e pró-sistema no Estado espanhol.

O livro que deu pê a esta ridícula campanha

Por acaso, o livro que provocou os delírios do espanholismo mais troglodita está disponível na rede para a sua consulta e leitura livre.

Reproduzimo-lo aqui. Para poder vê-lo em tamanho maior, é só clicar sobre a seguinte janela:

Para concluir, colocamos aqui em formato de imagem a reportagem intoxicadora publicada hoje polo jornal direitista espanhol El Mundo. O Collage da parte inferior foi acrescentado por umha página da extrema-direita espanhola que reproduziu a reportagem orginal de El Mundo. Clicando em cima da imagem, pode ver-se aumentada e ler o seu conteúdo. Dá tanta vergonha que nom sabemos se poder fazer-vos rir ou chorar: