Mais de umha dúzia de detençons em diferentes pontos do País, nomeadamente Vigo e Ourense, barricadas em várias zonas indústriais e autodefesa dos piquetes contra as agressons policiais em Ferrol. O Diário Liberdade mantém a informaçom continuada da jornada, que entre outras cousas verificou o papel fura-greves de CCOO e UGT.

Em poucos minutos começam as manifestaçons convocadas polas centrais convocantes e apoiantes da jornada de luita.

Acompanhamos desenvolvimento da noite de greve em Vigo e Ferrol

Durante toda a noite, entre os companheiros e companheiras do Diário Liberdade e os contributos das pessoas que nos visitam, conseguimos oferecer informaçons sobre o desenvolvimento da jornada de luita operária nas duas cidades de maior tradiçom obreira: Vigo e Ferrol.

A noite nom estivo isenta de provocaçons e agressons policiais, incluindo identificaçons maciças e detençons arbitrárias, como as 5 de Vigo, dos quais um já ficou livre.

Por outra parte, a principal central convocante, a CIG, avaliou, sem entrar em pormenores, que a greve está a ter "o seguimento previsto" e denunciou os fortes dispositivos policiais.

Tal como informamos a primeira hora da noite no Diário Liberdade, a CIG confirmou que a recolha do lixo nom funcionou em Narom e Ferrol, assim como em Vigo. Também as obras de Ponta Lagosteira, na Corunha e o político de Sabom, tivérom para a CIG "um seguimento destacável", tal como a factoria de Sam Cibrao, na Marinha.

Em Vigo, também o mercado fornecedor de fruta fechou as suas portas depois de umha assembleia de trabalhadores/as e o porto pesqueiro do Berbês reduziu a sua atividade.

Violência policial, cinco detidos e um banco queimado em Vigo

Continuamos a atualizar durante toda a noite. Também estamos a receber informaçons dos piquentes.

Cinco detidos, um dos quais ficou livre às 3 da manhá, depois de sofrer umha dura malheira que o deixou semi-inconsciente. Continuamos com as atualizaçons constantes.

O Diário Liberdade começa a cobertura da jornada prévia à Greve Geral Galega

Diante da sucessom de notícias e comunicaçons sobre a greve, adiantamos a cobertura da jornada prévia à Greve Geral na Galiza (27 de Janeiro de 2011).

Será a partir da noite que com o início das atividades dos piquetes haja informaçom direta do andamento da jornada de luita, que começa com a paralisaçom nos turnos nocturnos de grandes empresas e de serviços como o do lixo e outros com trabalho as 24 horas.

Desde já, encorajamos os nossos leitores e leitoras nom só a acompanhar as informaçons, mas também a produzi-las. Este espaço fica aberto para quem quiger contribuir, consoante as normas genéricas de funcionamento do Diário Liberdade.

Avante a Greve Geral Galega!