A festa começará às 9 da noite com música romántica, gominolas e sandwiches de Nocilla grátis para tod@s @s assistentes. A partir das 21h30 tocarám Os Novos (Compostela) com um repertório que incluirá músicas do seu 10'' "Nom Lugar" e alguns temas novos. Seguidamente subirám ao palco os Zënzar, os padrinhos do rock em galego, com umha trajetória de 27 anos de r'n'r em galego. Os Barbitúricos fecharám a festa apresentando o seu single e o seu repertório de punk adolescente e desenfadado.
A entrada do concerto incluirá o single de vinil 7'' de agasalho.
Podes escuitar um adianto do disco aqui:
LU029 Single 7'' BARBITÚRICOS "Escravos da Moda / Bonnie & Clyde" O MAIOR FRAUDE DO R'N'R COMPOSTELANO
A estas alturas nom sei o que pode aportar umha banda como Barbitúricos. Outro grupo de colegas que se junta para fazer r'n'r e tentar imitar, sem muito sucesso, os seus ídolos da infância: The Clash, Pixies ou Los Suaves. Três tipos que se preocupam mais de levar as camisas bem engomadas e as gravatas limpas que de afinar os seus instrumentos, que passam mais tempo nos bares jogando aos matraquilhos que no local de ensaio. Porém, conseguirom gravar um par de temas e, trás várias tentativas com discográficas multinacionais, finalmente forom quem de enganar a umha editora local para publicar um single. Na cara A vai Escravos da moda, umha declaraçom de princípios destes punkis de postal adictos aos centros comerciais, e na cara B temos Bonnie & Clyde, umha homenagem ao amor selvagem representada nos célebres fugitivos norte-americanos. Lembra que Barbitúricos é a pior banda de rock and roll do mundo!