Mares de Queijo já fora editado pola AGAL no ano 2004 e posteriormente o autor decidiu editá-lo em papel, ante as múltiples solicitudes de leitores e leitoras que desejavam possuí-lo nesse formato. Nesta ediçom, que correu a cárrego do carimbo editorial d'A Porta Verde do Sétimo Andar, Q de Vian Cadernos, Mares de Queijo conserva o limiar feito para a ediçom de 2004 por Elvira Ribeiro, e tem por capa umha pintura de Maria José López Federico.

s poemas de Mares de Queijo tenhem, maioritariamente, mensagem política, com alegatos a favor da libertaçom dos povos, contra o imperialismo, o fascismo, o racismo e o fanatismo religioso. Além disso, há multidom de referências musicais à cultura punk, ao hip-hop ou ao heavy metal.

O ato terá lugar às 20:30 horas e intervirám, aliás do autor, a reconhecida poeta Elvira Ribeiro e o também poeta Alfonso Láuzara, em representaçom da entidade editora.