A Tese Política está dividia em duas partes. Umha análise da multicrise do Estado espanhol e das suas dramáticas conseqüências e repercussons para a Galiza e o seu povo trabalhador.

A segunda parte do documento, que se submete a debate polo conjunto da militáncia, aborda as mudanças do mapa político e social da esquerda patriótica, definindo os parámetros da necessária construçom de um espaço de unidade de açom entre a esquerda independentista e a esquerda nacionalista.

Esta VII Assembleia Nacional, convocada sob a legenda Sempre com independência, pretende consolidar umha via alternativa aos dous grandes pólos da esquerda nacional, o representado polo independentismo socialista e feminista.

A VII Assembleia Nacional está concebida como umha abertura de portas de NÓS-UP polo que integramente os seus documentos som de aceso público desde há meses no nosso web

http://nosgaliza.org/prova2/wp-content/uploads/2013/10/Rascunho-definitivo-Tese-Politica_corrigido.pdf

A VII Assembleia Nacional de NÓS-UP escolherá umha nova Direçom Nacional que combinará a experiência de companheiras e companheiros com larga trajetória com a renovaçom incorporando novas pessoas provenientes do sindicalismo e os movimentos sociais.

O ato de encerramento da VII Assembleia Nacional, no que já estám confirmada a presença de mais de vinte organizaçons políticas, sindicais e sociais galegas, e a adesom de umha dúzia de organizaçons internacionais, tem caráter aberto a todos os meios de comunicaçom e terá lugar às 20 horas no hotel Congreso, em Montouto, Teu, na estrada da Estrada, a 3 quilómetros de Compostela.

Galiza, 26 de novembro de 2013