Sairá-se às 16h00 do C.S. O Pichel (rua Santa Clara nº 21), para deslocar-se de carro até o lugar onde se iniciará a caminhada em Cerzeda. A duraçom aproximada será de 2h00. A dificuldade baixa/media. Aconselhá-se levar calzado e roupa adecuada e cómoda para caminhar. O regresso a Compostela está previsto para as 20h30-21h00 aproximadamente.

Nesta caminhada observaremos o estado do vertedoiro de Cerzeda, as consequencias da má gestom de resíduos, a mina a ceu aberto de Meirama, assi como as consequencias da planta de incineraçom instalada nesta paróquia. Para isso contaremos com umha ativista ambiental de Adega  de Cerzeda que analizará estas questons.

Este é o terceiro roteiro dos quatro que a comissom de meio natural organizará nesta primavera com umha periodicidade mensal.

Para mais informaçom podedes ligar ao 699853790 e consultar o blogue da gentalha http://gentalha.org

A Gentalha do Pichel é umha associaçom cultural que desde hai nove anos vem dinamizando a vida social e cultural da cidade compostelana oferecendo e reivindicando um lecer alternativo, em galego. Este colectivo trabalha na defesa e conhecemento do meio natural, na recuperaçom da memória histórica da comarca, na defesa da língua e na valorizaçom e conhecemento da nossa cultura tradicional e actual.

Neste sentido som já varios anos nos que a comisom de meio vem realizando actividades para conhecer e valorizar o meio natural na comarca e na Galiza assi como fazendo actividades que tencionam tomar consciencia da necessidade de evitar e loitar as dinámicas destrutivas que arrasam o nosso país sempre em benefício de quantos querem enriquecer-se empobrecendo o território.