Este primeiro encontro oficial ao máximo nível contribui para a normalizaçom das relaçons entre duas forças galegas, sentando as bases para um clima de confiança e mútuo respeito que permitirá progressivamente a superaçom dum longo e anómalo período de ausência de vias de diálogo e comunicaçom, e de hostilidade política.

NÓS-UP transmitiu à direçom nacionalista a satisfaçom da esquerda independentista e socialista galega pola aproximaçom do BNG às posiçons soberanistas e antineoliberais, e a resituar a rua como espaço essencial da luita populares, factos que permitem cristalizar unidades de açom e respostas conjuntas.

Na reuniom constatamos umha elevada coincidência no diagnóstico da grave situaçom nacional e social que padece a Galiza pola dependência e opressom a que se vê historicamente submetida por Espanha e a UE, acelerada com as políticas ultrareacionárias e recentralizadoras do governo de Mariano Rajói e da sua sucursal autonómica encabeçada por Nuñez Feijó.

Também coincidimos em que a via estatutária está esgotada, que o gradualismo autonomista fracassou, e que a soluçom da imensa maioria dos principais problemas do nosso povo estám estreitamente vinculados à recuperaçom da soberania nacional da nossa Pátria.

À margem das diferenças táticas e estratégicas que temos, manifestamos o nosso compromisso a contribuir com o desenvolvimento de um amplo e plural movimento sociopolítico soberanista de massas, de caráter suprapartidário, que de posiçons de esquerda e feministas, conduza a acumulaçom de forças populares para a rutura democrática e um processo constituinte galego.

Direçom Nacional de NÓS-UP, 18 de maio de 2013