Em plena ofensiva burguesa contra os nossos direitos e liberdades, frente a um governo autonómico e espanhol que só aplica as receitas ultraliberais ditadas polo grande Capital e a troika, frente à recentralizaçom espanholista e o endurecimento do patriarcado, só a luita operária, feminista e popular, evitará mais retrocessos e a nossa derrota estratégica.
É hora de construirmos alianças amplas em base a programas avançados, de desenvolver umha estratégia de luita permanente e encadeada que conscientice, movimente e radicalice o nosso povo e a nossa classe face à rebeliom popular.
A rua deve ser o centro de gravidade para travar Espanha, o Capital e o Patriarcado. Com amplitude de miras há que continuar a tecer a máxima interlocuçom e cumplicidade entre o conjunto da esquerda política e social galega que coincida na necessidade da imediata demissom de Feijóo e Rajói, da ruptura democática e a abertura de um processo constituinte galego alicerçado na soberania nacional e o socialismo.
A greve geral de 48 horas é umha ferramenta imprescindível para construir um amplo movimento popular. Há que aprofundar nas ruas e centros de trabalho e estudo a necessidade de fazermos convergir as reivindicaçons sociais, laborais e política. Frente à recomposiçom do regime e a imposiçom de umha segunda transiçom sem contar com o povo há que gerar as condiçons que permitam um governo operário e popular, patriótico e feminista.
Primeira Linha participará nos cortejos que sob a legenda “Contra o desemprego e a miséria, pola soberania nacional“ organiza a esquerda independentista e socialista galega representada por NÓS-UP.
Horários e lugares de saída das manifestaçons
-Compostela: 12:30 horas, Praça Vermelha.
-Corunha: 12:00 horas, Praça de Vigo.
-Ferrol: 12:30 horas, Avenida do Esteiro (local da CIG).
-Lugo: 11:30 horas, Ronda da Muralha (local da CIG).
-Ourense: 12:00 horas, Pavillom dos Remédios
-Ponte Vedra: 12:00 horas, Praça da Ferraria.
-Vigo: 11:30 horas, Cruzamento de Lepanto com Gram Via.
