A Coordenadora Constituinte do Processo Independentista (CCPI) participará neste 3 de março com outras forças sociais, sindicais e políticas nacionalistas e independentistas na mobilizaçom unitária em favor da rutura democrática com o regime espanhol, o processo constituinte nacional e a reivindicaçom da plenitude da nossa soberania nacional, é dizer, do direito de autodeterminaçom e a independência política e económica.
Achamos especialmente importante neste momento em que a oligarquia espanhola desenha umha Segunda Transición em chave involutiva a respeito do státus político e económico actual do nosso país, sumar forças e energias sociais, sindicais e políticas em favor dumha saída da crise em chave de liberaçom nacional e social.
Bloco popular independentista
Neste sentido, participaremos com outros agentes sociais e políticos no bloco popular independentista que se configurará na mobilizaçom para reivindicar que a única soluçom à exploraçom, a miséria, a repressom e a espanholizaçom é a superaçom do actual quadro jurídico-político constitucional imposto na Transición, o exercício do direito de autodeterminaçom e a independência nacional sob a hegemonia da maioria social galega.
A cita para a organizaçom do bloco popular independentista será às 11:30 h. junto à estátua das Marias na Alameda de Compostela.
Anexamos em formato pdf a folha com dez reflexons independentistas que distribuiremos em 3M
Publicamos a folha com dez reflexons políticas que a Coordenadora Constituinte do Projecto Independentista (CCPI) distribuirá massivamente no próximo domingo em Compostela para consideraçom e debate dos sectores populares soberanistas e independentistas. Estamos ante um fim de ciclo, frente a umha Segunda Transición que a oligarquia espanhola trata de superar degradando as condiçons de vida e de trabalho da maioria social e ante a necessidade premente de, respeitando e integrando distintas estratégias de luita e sensibilidades, fazer frente comum pola rutura democrática com o Estado espanhol no caminho da independência nacional.
Pode consultar-se aqui.
