Fai pouco dias, Stop Despejos Compostela recebeu um telefonema de alguém que dizia falar em nome do coletivo "Fartas", em que se comunicava que o Menino Jesus foi retirado do portal de Belém da praça do Obradoiro compostelana. O menino Jesus do presépio da praça do Obradoiro foi libertado num caixeiro da cidade ao longo da noite de 25 de dezembro.

Na chamada à plataforma umha pessoa que dizia ser o menino Jesus assegurou que "partilho tim tim por tim tim as reivindicações da plataforma, estou farto também de que se malbarate o dinheiro de todas em encher a cidade de motivos de natal, ao tempo que cada vez mais vizinhos e vizinhas estão condenadas à fome e à miséria", e acrescentou, perante a previsom da sua devoluçom, que "temo o momento do regresso, vejo-me mais cómodo entre estes companheiros e companheiras que nas mãos de um governo irresponsável como o da cidade de Compostela".

Na noite de ontem (25/12) aconteceu o anunciado regresso. O menino Jesus apareceu no interior de um caixeiro de Compostela, ao tempo que a plataforma contra os despejos hipotecários de Compostela recebia a nota que reproduzimos a seguir:

"Aí o tedes.  Comprometémonos á súa devolución e así é.. O "Neno Xesús" pasará esta noite nun caixeiro de Compostela, como tantos outros cidadáns e cidadás anónimas. Esta realidade, a súa recuperación, a súa restauración ao Obradoiro, preocupáravos moito e será inmediata. Porén, seguiredes sen solución para os milleiros de familias que están a sofrer as consecuencias da crise económica construída como unha grande estafa pola Banca e os seus políticos adxuntos. As persoas non vos importan. Vivimos nunha sociedade na que só vos interesa a mercadoría. Impórtanvos os euros, o poder, a Banca.

Pero todas somos responsábeis. Esta é a sociedade que vos estamos a deixar organizar: sen valores. Unha sociedade baseada na pobreza, na exclusión, na violencia, no voso lucro voraz, na xenofobia, nos valores patriarcais e misóxenos. Unha sociedade construída contra a maioría social.

Aí tedes o voso boneco. Desfrutádeo. Procurádeo por todos os caixeiros de Compostela, nalgún deles estará, entre cartóns. Estamos fartos e fartas de vós. Dádesnos un noxo profundo. Rídevos de tanta miseria mentres poidades. Mais apurade. Pronto, o conxunto da poboación espertará. Pronto, a maioría social demandará outra sociedade radicalmente igualitaria onde seredes uns máis, onde os vosos privilexios virarán pó e meras lembranzas. Onde ninguén espertará sen casa, sen traballo, sen saúde, sen acceso ao ensino, sen dignidade, sen respeto, sen a calor das demais.

Non nos resignamos. Isto non é a fin de nada. Un paso máis nesta historia de loita colectiva e popular que soñará o imposíbel, que soñará a liberdade e a igualdade para xa, e que será quen de realizar un por un todos os seus soños.
Vémonos nas rúas. Ata pronto, daquela.

O que ri o último, ri mellor."

Vídeo

Nas últimas horas também foi emitido um vídeo a respeito do desalojo do neno Jesus:

Foto: Fartas - O menino Jesus durante o sequestro.