Quen se achegue ao Mercado de Teo mañá, poderá gorentarse con petiscos elaborados por labregos e labregas con alimentos da terra a un prezo simbólico, atopar postos de artesanía a maiores dos de venda de alimentos ou escoitar o bo facer da formación de música tradicional Requinta Follas Novas. E iso sen esquecer a ampla oferta de produtos locais e de tempada que, como cada sábado, porán calidade e saúde na cesta de quen faga alí as súas compras. A Festa do Inverno comezará ás 11:00 horas e será na praza do Mercado dos Tilos, en Teo. ¡AGARDÁMOSVOS!