A homenagem produziu-se em Ferrol a dia 13 de outubro. Esta começou arredor das 17:30 h com umha palestra na galeria Sargadelos impartida polos historiadores Eliseo Fernández e Bernardo Maiz Vazquez. Entre os dous derom um repasso aos conflitos sociais em Ferrol e a sua comarca desde finais do s.XIX, rematando a sua exposiçom nas luitas do 72.
A continuaçom saiu a Rondalha desde a Praça de Armas. Fizerom-se várias paragens, na antiga entrada do astaleiro (agora fechada) onde o dia 9 de Março houbo umha carga policial, e na atual entrada. Nestas paragens o historiador Eliseo Fernández deu um pequeno discurso aportando informaçom ao já comentado na palestra anterior. A Rondalha rematou diante do monumento a Amador e Daniel, os dous obreiros mortos polos polícias armados.
No monumento teve lugar o ato. Começou com um discurso exposto por umha militante da nossa Organizaçom, e seguiu com umha leitura dum poema adicado a Martinho, tendo-o como exemplo de que a luita continua ainda que os inimigos da nossa Terra se empenhem em eliminar-nos. É de notar que Martinho foi obreiro de Bazán depois de ditas luitas e guerrilheiro do EGPGC, morto em Novembro de 2010, mas segue vivo na nossa memória. A continuaçom um cantautor da comarca interpretou umha peça de Zeca Afonso. O ato deu-se por rematado com o canto do hino nacional acompanhado ao som da gaita. Mas a jornada seguiu no Bar Chimarrao, agradecemos aos grupos que asistirom a sua participaçom ao igual que a gente que nos acompanhou durante toda a jornada.
Desde a AMI queremos recordar que há já uns anos centramo-nos nas luitas coletivas para integrar umha óptica feminista e certamente mais realista, já que as luitas som sempre desenvolvidas por sujeitos coletivos, mesmo que haja pessoas destacadas, pretendemos diminuir a tendência de criar herois individuais. Também acadamos a decissom de convocar a celebraçom da Galiza Combatente numha vila do País fugindo da auto-contemplaçom e auto-consumo de realizá-la na intimidade. Temos que fazer que chegue a nossa mensagem ao conjunto do nosso Povo.
Disponibilizamos o dossier realizado pola Organizaçom com o galho da celebraçom deste dia, umha pequena introduçom as luitas da época. Aguardamos que o desfrutem.
Adicado as que luitarom, luitam e luitarám; Venceremos Nós!
Viva a Galiza Combatente!
*A imagem que encabeça a cronica foi realizado pola Assembleia Comarcal de Compostela.