Após a celebraçom no passado dia 8 de maio do I Seminário de Estudos Galegos - I Seminario di Studi Galeghi, acto organizado desde o nosso Centro de Estudos e celebrado em Padova, informamos da celebração do II Seminário Internacional de Estudos Galegos, que desta vez se celebrará na Universidade de Perugia a dia 23 de outubro de 2012.

Desta vez o tema de estudo vai enfocado ao nosso esplendoroso período medieval galego-português; aprofundando na tipologia das cantigas, cancionerios, estruturas, ferramentas na rede para o seu estudo e a sua investigaçom. O encontro entre estudosos e estudosas da matéria debulhará a produçom literária que compom um dos momentos mais brilhantes da História cultural da Europa Medieval.

Assim, mais uma vez o galego, e portanto o nosso país, estará presente na vida cultural italiana, para o seu estudo e o seu prestígio, confirmando deste modo a necessidade da existência dos Centro de Estudos Galegos na difusom, na presença e portanto no respeito da língua e da cultura de nosso. Toda a informaçom está disponível aqui e no cartaz que aparece na imagem.

Gemma Álvarez Maneiro (Leitora do Centro de Estudos Galegos da Universidade de Padova)

Giovanni Borriero (Diretor do Centro de Estudos Galegos da Universidade de Padova)

Foto: CEG da Universidade de Padova.