Lola e José, caídos em combate em umha operaçom contra o narcotráfico no ano ´90, entram em contacto com o independentismo a meados dos anos ´80, e poucos anos depois somam-se com determinaçom e valentia às estruturas do EGPGC, participando nas acçons armadas da organizaçom.
Neste tempo eram anos nos que a lacra da droga fazia estragos entre a mocidade, especialmente em algumhas comarcas do País. O narcotráfico crescia ao amparo do poder político e policial, que permitia a extensom do consumo de estupefacientes como mecanismo de anulaçom da crítica e do potencial rebelde da juventude em um lezer artificial e destrutivo.
Grandes grupos vinculados ao tráfico destas substâncias consolidavam empresas, negócios e um poder económico gigante com o branqueio do capital procedente destas atividades. Nesta conjuntura desenvolverom-se acçons contra os interesses de narcotraficantes em várias localidades costeiras.
Em umha destas acçons, na discoteca Clangor de Compostela, assinalada como ponto vinculado ao narcotráfico nessa cidade, José Vilar junto a Lola Castro, acedeu ao interior com a intençom de agochar um artefacto explosivo no interior, para que figesse explosom quando o local estivesse fechado. Possivelmente às interferências elétricas da equipa de som do local com o sistema de iniciaçom do explosivo provocarom o desgraçado sucesso no que resultarom mortos.
Umha chamada telefónica à radio realizada posteriormente em nome do EGPGC, reivindicava as acçons dessa madrugada, explicava o significado político da operaçom, e informava da militância de Lola e José. Nessa chamada afirmava-se que a luita continuaria e que a melhor homenagem possível aos combatentes caídos era seguir no caminho decidido.
Vinte e dous anos depois, rendemos-lhe homenagem da melhor maneira que pudemos, apoiando de maneira incondicional @s combatentes Gales@s, para manter assim viva a memória d@s de ontem. Estaremos ao lado d@s pres@s e d@s que luitam consequentemente hoje, e animaremos @s que engadiram o seu nome ao melhor da nossa luita manhá. Na nossa tarefa da denúncia e da solidariedade seguiremos!
Ceivar, como organismo contra a repressom, defende que só é possível desativar a repressom do inimigo mediante a luita aberta pola soberania nacional e o respeito dos nossos direitos como povo. Mentres este País continue sendo negado e ocupado, a luita independentista seguirá enfrentando a opressom, e por muita repressom que nos acompanhe avançaremos por esse caminho até vencer.
LOLA, JOSÉ A LUITA CONTINUA!!
ADIANTE A GALIZA COMBATENTE!!
VIVA GALIZA CEIVE!!
