Desde que começamos as tarefas nesta fortaleza nom nos deixa de abraiar a quantidade de visitantes que se achegam a cada fim de semana, para descobrir, muit@s deles pola primeira vez, esta paragem da nosa bisbarra.
Resulta incrível, que sendo um dos edifícios mais antigos do nosso Património, e optando a fazer parte do Património da Humanidade, a Cámara Municipal de Ferrol e a Autoridade Portuaria a tivessem no estado em que se encontrava."
Ainda, "pola enéssima vez", as pessoas participantes na Açom Direta de Recuperaçom de Espaços Públicos exigem que:
- Que se recolham os restos de mato acumulados.
- Que se suprimam os postes da fiaçom elétrica em desuso.
- Que a Cámara Municipal de Ferrol conteste as petiçons cursadas por registro.
E avisam de que o desprezo da instituiçom municipal ferrolá nom ficará sem resposta: "No caso de que a CM de Ferrol continue sem dar-nos resposta, pensamos em adoptar "novas e inovadoras" medidas de pressom para que a cidadania de Ferrol saiba o que está a suceder".
Nesta ligaçom há disponível umha galeria fotográfica desta nona jornada de trabalho na bateria.
Entretanto, lembramos a nossas leitoras e leitores que na Agenda da Liberdade som incluídas as informaçons jornadas de trabalho neste projeto popular, que som abertas à participaçom daquelas pessoas interessadas.
Foto: ADREP - Imagem da 9ª jornada de recuperaçom da Bateria de Sam Cristóvao
