O xoves tamén na vila de Bueu houbo concentración na Praza Masso, e tamén centos de viciñ@s acudiron a convocatoria popular que une a distintas plataformas e colectivos obreiros que estamos a enfrontar con decisión as medidas de asalto aos dereitos da clase traballadora, que leva a cabo o goberno do PP e a Unión Europea.

Venres en Cangas, despois da concentración fronte ó Concello, logo da intervención de distint@s portavoces dos colectivos, unha vez máis comezou unha manifestación que foi xuntando a máis e máis veciños perante o percorrido, superando os mil
manifestantes. Ao finalizar a marcha, na Alameda Vella, interviú un voceiro da CUT facendo unha síntese da necesidade da unidade traballadora e popular na mobilización, sendo de destacar na súa intervención a mensaxe de solidariedade aos xornaleiros andaluces en loita contra a fame, atacando o sistema onde máis lle doe. Entrando nos centros de latrocinio que son as superficies comerciais, para darlle de comer a quen pasa fame.

A partir de agora e ás 21 horas haberá mobilizacións, todos os xoves en Bueu na Praza Masso, e todos os venres á mesma hora en Cangas e Moaña fronte os respectivos Concellos. Con sacrificio, con información e obxectivos claros, poderemos mobilizar á clase traballadora e os sectores populares, para frear as medidas presentes e futuras do capital e os seus xestores.

Fotos CUT