Esté é o detonante que na tardinha desta sexta-feira levou centenas de pessoas às ruas de várias cidades galegas. As concentraçons dirigírom-se às sedes do Partido Popular nalguns casos, após convocatórias realizadas através das redes sociais, umha circunstáncia que a legislaçom espanhol já prevê como perseguível do ponto de vista penal, após a reforma imposta polo atual governo.

No sul da Galiza, Ourense viveu a concentraçom mais movimentada, concluindo com um lançamento de ovos contra a fachada e de lixo no interior da sede do Partido Popular. Os meios burgueses falam de danos na sede ourensana do PP. Em Vigo, manifesfantes cortárom a rua Areal, numha concentraçom fortemente assediada por elementos das forças repressivas, que identificárom as pessoas participantes.

Na Corunha, cidade onde simultaneamente decorrêrom difentes convocatórias (umha do BNG e outra diante da Sede do Partido Popular convocada a través das redes sociais), esta última concluiu numha manifestaçom de várias centenas de pessoas caminhando em direçom à praça de Maria Pita, onde fica a Cámara Municipal. A sede   do governo local do PP foi fortemente custodiada pola polícia municipal corunhesa. A manifestaçom continuou polo centro da cidade. 

Oferecemos a seguir umha galeria de imagens dos protestos desta sexta-feira na Galiza.