A maioria das equipas representavam coletivos militantes, especialmente centros sociais de várias cidades do País, mas este ano também participárom grupos de amizades, que aliás figérom um papel mui salientável elevando o nível desportivo da cita.
Kurmandinh@s ganha o trofeu com comodidade
Um destes grupos é o compostelano Kurmandinh@s, que se impujo com claridade aos demais tirando 7 pontos de vantagem ao segundo, As Duas-Ferrol, precisamente também nom associado a um projeto militante.
A classificaçom ficou assim, por ordem: Kurmandinhas (17), As Duas-Ferrol (10), CSO Casa do Vento (7), LS Faísca (6), AC Fervedoiro (5), Siareiras Galegas (5), CS Arredista (3), Horta de Sam Pedro (3), AMAL (3), CS Sem Um Cam (2), CS Aguilhoar (2), Fungos Vermelhos (2), Gentalha do Pichel (1), CS Mádia Leva! (0), CNT-Compostela (0), CS Revolta (0), Asociaçom de Jogos Tradicionais (0).
Chuva estragou a segunda jornada olímpica
A organizaçom correu a cargo do CS Arredista e o CSO Casa do Vento, de Compostela, e funcionou muito bem, conseguindo levar a bom termo um programa de competiçons mui saturado pola alta participaçom. As comidas corrêrom a cargo de Ceivar, Escola Semente e Retaliados pola Sala Iago, a quem a organizaçom cedeu a ocasiom para que angariassem fundos. A única peja foi o dilúvio que caiu o domingo desde meio-dia, que obrigou a cancelar a prova de brilé e desluziu a cerimónia de clausura, celebrada finalmente sob umhas carpas perante os poucos atletas que suportárom estoicamente na “Vila Olímpica”.
