Fotos 1 e 3, da autoria de Augusto Fontám. Foto 2, da autoria do Diário Liberdade.

Os atos previstos começárom em frente ao túmulo de Martinho, no Cemitério municipal de Baralhobre, em Fene, conduzidos por Júlio Saiáns. Incluiu umha intervençom de Antom Árias Curto, a leitura de um poema dedicado a Martinho por Augusto Fontám e, a continuaçom, o cantor ferrolano Manolo Bacalhau interpretou 'Traz um amigo também', de José Afonso.

Finalmente, as pessoas presentes cantárom o Hino da Internacional e o Hino Nacional da Galiza.

A jornada de homenagem continuou com um jantar de confraternizaçom num restaurante de Ferrol, para concluir com a projeçom do documentário 'Martinho: O sorriso insubornável dum guerrilheiro galego', da autoria de Augusto Fontám.