1 1 1 1 1 1 1 1 1 1 (6 Votos)

cgz11Galiza - Diário Liberdade - A ilegalizaçom de facto de Causa Galiza provocou umha resposta apoiada por dezenas de coletivos e centenas de pessoas hoje em Compostela.


A solidariedade antirrepressiva ativou-se mais umha vez nas ruas, em resposta ao operativo político-judicial-mediático que levou a umha ilegalizaçom de facto da organizaçom independentista Causa Galiza, por ordem do juiz da Audiência Nacional espanhola Eloy Velasco.

Foi na manhá deste domingo em Compostela, atrás de umha faixa segurada por representantes de movimentos sociais galegos, com a legenda “Polos direitos civis e políticos para todas. Nom à ilegalizaçom de organizaçons políticas”. Na mira dos e das manifestantes, a chamada "Operaçom Jaro", no passado mês de outubro, que levou à detençom de 9 pessoas pola sua atividade política na organizaçom Causa Galiza.

O músico e ativista Mero foi o encarregado de se dirigir às pessoas participantes, após percorrerem o centro da capital galega, denunciando a demonizaçom do independentismo e a perseguiçom dos direitos cívicos e políticos por parte das autoridades espanholas.

Palavras de ordem contra o tribunal especial espanhol para assuntos políticos, a chamada "Audiência Nacional", bem como em solidariedade com a organizaçom mais recentemente afetada pola repressom, Causa Galiza, ouvírom-se ao longo do percurso da manifestaçom de hoje em Compostela, que concluiu na praça do Toural.

 Numerosos coletivos e organizaçons galegas e doutros países aderírom à convocatória de hoje, incluindo Agir, Riazor Blues, Mulheres Nacionalistas Galegas, Briga, Xeira, Adega, Verdegaia, CIG, Anova, Esculca, CNT, FPG, CMC, CUP, Endavant, Askapena, centros sociais como a Fundaçom Artábria e Fuscalho, grupos musicais como Nao,  equipas de futebol gaélico como Suévia... Entre as ausências notáveis, o BNG, se bem organizaçons integradas nessa frente, como Isca! e MGS, sim apoiárom e participárom na manifestaçom.

Oferecemos a seguir umha galeria realizada polo Diário Liberdade durante a manifestaçom, que acompanhamos também ao vivo informando através das redes sociais.


Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Microdoaçom de 3 euro:

Doaçom de valor livre:

Última hora

Publicidade
Publicidade
first
  
last
 
 
start
stop

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Eledian Technology

Aviso

Bem-vind@ ao Diário Liberdade!

Para poder votar os comentários, é necessário ter registro próprio no Diário Liberdade ou logar-se.

Clique em uma das opções abaixo.