Desde a sua chegada a esta nova cadeia Teto permanece em isolamento total 24 horas ao dia já que o centro penitenciário nom está habilitado para reclusos classificados em primeiro grau.
Esta situaçom implica que o independentista vigués leva sem ver nem falar com outros presos várias semanas ainda que o próprio Reglamento Penitenciario prevé um número mínimo de companha no pátio para evitar o isolamento social. Igualmente é destacável que Villanubla alberga a presos políticos bascos com classificaçom em primeiro grau mas que estám a cumprir a pena em módulos de segundo devido ao artigo 100.2 do mesmo Reglamento que apela ao princípio de flexibilidade por parte da prisom.
Do Organismo Popular Anti-repressivo CEIVAR queremos denunciar estas insustentáveis condiçons de vida às que Instituciones Penitenciarias está arrastrando ao preso independentista galego e exigimos a sua imediata retirada de isolamento. Também reprochamos o deslocamento de Roberto Rodrigues a umha prisom que nom cumpre com as características adequadas para o cumprimento da condena e a dobre política aplicada aos reclusos de primeiro grau que aplica a Direçom da prisom. De continuar a imobilidade nom se descartará elevar o caso ante os tribunais.
Finalmente fazemos um chamamento à SOLIDARIEDADE para que todas/os lhe enviemos umhas linhas de apoio a Teto e, mediante elas, mitiguemos a injusta situaçom que está a afrontar o preso independentista. O nosso apoio será fulcral para que continue a encarar a cadeia com dignidade e valentia.
Roberto Rodríguez Fialhega
Centro Penitenciario de Valladolid
Carretera del Adanero Gijón, km 94
47620 Villanubla, Valladolid
