Como já figemos quando o governo espanhol deu a conhecer publicamente o projeto, de NÓS-Unidade Popular rejeitamos completamente esta nova lei para a repressom do protesto social e da dissidência política.
A nova Lei de Segurança Cidadá é umha lei antidemocrática que define a quem a propom e que confirma a deriva autoritária do regime espanhol. É outra das respostas do regime da oligarquia perante a sua crescente falta de legitimidade, que tem a sua outra vertente na teatralizaçom de umha "segunda transiçom regeneradora" iniciada com a mudança na monarquia. O pau para bater n@s rebeldes e a cenoura para enganar @s incaut@s.
Nom nos valem as "rebaixas" feitas em relaçom com o projeto inicial, a lei do ministro Jorge Fernández segue a ser umha lei inaceitável em qualquer Estado que se reclamar democrático, do mesmo jeito que o é a atual, a "Lei Corcuera" aprovada polo PSOE no seu dia.
Mantenhem-se as multas desorbitadas, de até 600.000 euros nalguns casos, buscando amedrontar as pessoas para evitar que participem em protestos e manifestaçons. Também se contempla a retençom de pessoas por parte da polícia por até 6 horas, umha polícia que ademais poderá continuar a realizar identificaçons de maneira arbitrária e com critérios políticos.
O Estado espanhol prepara-se com esta lei para aumentar a repressom contra a rebeldia popular, sabedor de que as medidas antissociais e a negaçom de direitos coletivos e individuais pode levar a um maior rejeitamento do regime até fazê-lo perigar.
Mas a sua repressom nom poderá deter-nos, só será mais um motivo para organizar-nos e luitar.
Direçom Nacional de NÓS-Unidade Popular
Galiza, 27 de outubro de 2014
