Mas tanto o Julgado de Vigiláncia Penitenciária do centro, como a Junta de Tratamento Penal fam ouvidos surdos. Denegarom a petiçom de excarceraçom por doença terminal, e por cima, até na enfermaria, mantém condiçons de isolamento.
Condiçons de vida subumanas
Dada a imposibilidade legal de submeter a regime de isolamento doentes graves, o cárcere atopou umha equivalência a este formato de tortura na enfermaria: tem as saidas ao pátio sozinho e limitadas a duas horas ao dia, assim como restricçom das comunicaçons. Estas medidas som fruto dum castigo por ter-se beijado com umha conhecida no passado mês de Junho, o qual é proibido.
Para protestar polas duras condiçons de isolamento às que é submetido já estivo em greve de fame e rechaçando a medicçom. Mas as dores derivadas do cancro linfático e do SIDA que padece figerom insuportável o protesto durante maior periodo de tempo. O observatório de direitos e liberdades Esculca já apresentou umha queixa formal ante a Defensoria del Pueblo, denunciando a situaçom injustificada à que está submetido José Antonio e pedindo explicaçons para o esclarecimento de tais agresons, mas ainda nom houbo actuaçons nengumha.
Protestos, solidariedade e represálias
Greve de fame, rechaço da medicaçom e reclamaçons desde o exterior. Exigências desde o observatório Esculca, e envio de faxes reclamando a tomada de medidas com respeito a esta situaçom (para o qual se disponibilizam os telefones do cárcere: 987877410, do Julgado de Vigiláncia Penitenciária n'3 de Leom: 987895176 e o mail da Defensora del Pueblo: registro@defensordelpueblo.es, assim como o tfn: 914327900) forom algumhas das respostas populares a esta agresom.
A irritaçom dos carcereiros de Instituiçons Penitenciárias nom se fez esperar: sançons, mais mau trato e até a supresom do traslado em ambuláncia nas saidas ao hospital, tendo que sofrer o traslado nas jaulas das carrinhas da Guarda Civil, o que lhe provocou, entre outras cousas, danos no catéter que instalou na clavícula como resultado dos golpes contra o veículo a causa da conduçom violenta da carrinha.
