As manobras que se estám a realizar em Ferrol também decorrem em diferentes pontos do Estado espanhol, sob o nome FPEX-13, tendo como objetivo "incrementar a capacidade do Exército espanhol de resposta em situaçons de crisis", ensaiando dispositivos de "control de massas para estas situaçons".

Estes exercícios realizam-se em colaboraçom com outros corpos repressivos do Estado, nomeadamente a Polícia espanhola e a Guarda Civil, já que a "coordenaçom com outras forças de segurança (sic) do Estado" é outro dos objetivos do FPEX-13.

Estas manobras nom som mais que um novo episódio que deixa ver que, perante a grave crise do capitalismo, o Estado se arma até os dentes.

Mais umha vez, as Forças Armadas espanholas querem demonstrar à populaçom de Ferrol a sua capacidade repressiva, a mesma que desenvolvem noutros pontos do planeta, umha capacidade que continua a ser umha ameaça para os direitos do nosso povo, que em nom poucas ocasions sofreu a crueldade dos seus golpes de estado e agressons, além do desprezo permanente pola nossa condiçom e identidade nacional.

Espanha é consciente que cada vez está mais perto o cenário de umha explosom social. A rebeliom popular está a converter-se numha alternativa cada vez mais viável perante a brutal ofensiva de cortes e supressom de direitos e liberdades atigidas durante decádas de luita polo povo trabalhador.

De NÓS-Unidade Popular em Trasancos, fazemos pública, mais umha vez, a nossa repulsa à presença de tropas de guerra espanholas na nossa comarca.

Fazemos um apelo ao povo trabalhador ferrolano para manifestar o rejeitamento ao militarismo em todas as suas formas, incluídos ensaios como os que se estám a realizar na nossa cidade nestes dias.

Ferrol, 22 de maio de 2013

Direçom Comarcal de NÓS-Unidade Popular em Trasancos