Corunha
Quinta-feira dia 16 decorrerá na capital corunhesa umha cita musical com os grupos locais NSR (No Surrender) e Trapallada. Ambos grupos intervirám de graça para facilitar a angariaçom de fundos por parte da nossa organizaçom, que se encontra em pleno desenvolvimento da campanha de solidariedade económica apresentada em janeiro deste mesmo ano.
O Grupo de Base da Corunha ofertará a possibilidade de assistir a um concerto abonando 4 euros que irám integralmente destinados ao pagamento das sançons que, no caso da Corunha, provenhem principalmente da condena a três jovens de BRIGA por cortar a estátua de Millán Astray frente ao quartel de Atocha procurando derrubá-la. Foi em maio de 2005, há já sete anos.
Daquela, a procuradoria do estado solicitara 23.900 € e somas de até cinco anos de prisom por tal feito, ficando reduzido em sentença a 2.700 € no total em conceito de indenizaçom ao Concelho da Corunha (que dirigia o PSOE) e mais por falta de danos.
Agora, anos depois, a batalha antifascista continua nas ruas da Corunha. E continuará. Para isso precisamos da solidariedade da juventude corunhesa, começando por participar em atos lúdicos como este. E continuando por limpar a nossa cidade de todo o lijo fascista que se mantém incólume malia a existência dumha lei que supostamente o impede.
QUINTA-FEIRA, DIA 16
22:30
SALA JOANA'S PLACE (EDUARDO PONDAL, 4)
PREÇO: 4 €
NO SURRENDER + TRAPALLADA
Vigo
O Grupo de Base de Vigo organiza para sexta-feira, o mesmo Dia das Letras, um concerto com os grupos:
- Satxa na Leira (hardcore de Bueu)
- Samu a cara cam (cantor de Vigo)
- Solfabirras (punk rock de Ponte Vedra)
O concerto decorrerá a partir das 22h no Torreiro da Festa (Rua Rogélio Abade, 16. Churruca), e poderás entrar polo preço de 3€. A recadaçom destinará-se integralmente ao pagamento das quantiosas multas com que o estado espanhol sanciona a açom contestatária que desenvolvemos como organizaçom juvenil revolucionária.
Agradecemos nomeadamente os grupos e cantor que intervirám pola sua ajuda para o desenvolvimento deste novo ato dentro da campanha de solidariedade económica que estamos levando a cabo desde janeiro.
Lembra também que existe um número de conta através do qual podes fazer a tua achega para aligeirar esta portagem repressiva de mais de 12.000 €.
Número de conta solidária: 0049 6795 56 2095036710 (Banco Santander)
