Da Assembleia Comarcal de NÓS-Unidade Popular de Vigo levamos denunciando nos últimos meses como a Policia Local está exercendo labores repressivas, assediando e intimidando a militáncia da nossa organizaçom com multas, perseguiçons e denuncias que finalizam em juízos.
Com a aplicaçom desta ordenança municipal, o governo do PSOE de Abel Caballero, pretende eliminar das ruas as reivindicaçons populares contra o desemprego, contra o roubo dos bancos mediante as preferentes, contra os despejos de vivendas, em defesa da sanidade e eduaçom públicas, do nosso idioma, dos direitos das mulheres, pola soberania e independência nacional, etc, e por isso pretende restringir a difusom e colagem de cartazes, elaboraçom de murais, colaçom de faixas, etc, na cidade.
Nom se pode restringir o exercício da liberdade de expressom aos raquíticos e mal situados sítios habilitados polo Concelho, que na atualidade nom som mais 50 painéis.
Ao longo da história o espaço público, as ruas e as praças de vilas e cidades, fôrom os cenários onde se construírom e conquistárom as liberdades coletivas através das mais diversas atividades. Lamentavelmente, forças políticas como NÓS-Unidade Popular sabemos muito bem que a ordenança nom é novidade algumha, senom que é umha volta de porca mais no processo de restriçom das liberdades e da privatizaçom das ruas.
PSOE pretende aplicar umha ordenança municipal que restringe ao mínimo os direitos e liberdades fundamentais.
Da Assembleia Comarcal de NÓS-Unidade Popular de Vigo exigimos a derrogaçom de todas as ordenanças que restringem as nossas liberdades, retomando a posse das ruas para quem realmente lhe corresponde: o Povo.
Continuamos e continuaremos pois exercendo este direito, com ou sem perseguiçom policial e judicial.
Foto: Entrepía / Flickr - Alguns direitos reservados - Abel Caballero (direita da fotografia) numha exibiçom aérea em Vigo.
