Esta iniciativa surge no ano 2005 em Donostia, Euskal Herria, onde distintas organizaçons decidirom estabelecer umha jornada internacional para pór de relevo a situación de miles de luitadoras e luitadores que son apanhados como reféns por pelejar por transformar as súas diversas realidades.
Colombia, Argentina, Peru ou Palestina som alguns dos territórios onde se celebram mobilizaçons para denunciar a criminalizaçom, e os régimes de isolamento, dispersom e tortura aplicados por Estados como o Espanhol. Ceivar vem celebrando atos neste dia desde 2008, e em este ano os atos dividem-se em duas jornadas.
Arranca a sexta-feira 19 de Abril com o III Concerto Solidário em Apoio as Presas Independentistas no centro social compostelano da Gentalha do Pichel. O concerto, que está agendado para as 21h, contará coa participaçom do grupo de punk-rock de Ponte d´Eume ARENGA, a banda de hip-hop de Ponte Areas REBELIOM DO INFRAMUNDO e o beatbox-ragga de Cerzeda GENDEBEAT. O preço é de 4€ e haverá empadas e guiso a preços populares.
Solidariedade internacionalista em Asturies
O ato central das jornadas será o sábado 20 de Abril com a realizaçom de umha Marcha a prisom de Villabona (Asturies) na que colabora o organismo anti-repressivo popular asturiano Sofitu. A concentraçom diante da cadeia onde atualmente se encontra sequestrado o preso independentista galego detido em Janeiro deste ano, Hadriám Mosqueira Paços "Senlheiro", terá lugar às 13:00h.
Como remate das jornadas celebrará-se um ato de convivio com os coletivos e pessoas solidárias asturianas no Centru Social Sestaferia (R/ Joaquín Alonso Bonet, 3) de Xixon que consistirá num jantar, marcado para às 15:00h, e umha palestra sob a situaçom repressiva atual na Galiza às 17:00h.
Para participar na Marcha cumpre anotar-se no mail: ceivar@ceivar.org