1º Somos independentistas e somos socialistas. Desenvolvemos a nossa actividade por vias exclusivamente pacíficas dentro da legalidade constitucional imposta, procurando sumar forças numha estratégia de liberaçom nacional e social para este país junto aos sectores sociais e políticos dispostos a avançar nesta direcçom.

2º É um infúndio típico da imprensa espanhola atribuir-nos a integraçom em "organigramas" rumados à comissom de acçons políticas ilegais. Nesta ocasiom, o infúndio, para além das suas fasquias ridículas, é a expressom mais nítida de sectores do aparato do Estado que pretendem situar no olho do furacám e, progressivamente, na ilegalidade, a acçom organizada dos e das independentistas galegas.

3º Causa Galiza iniciará acçons legais contra o meio espanhol que, utilizando a intoxicaçom informativa, se coloca ao serviço dum novo desenho repressivo contra o independentismo que se argalha nos sumidoiros do Estado.

4º Mantemos e manteremos intactos e inalteráveis os nossos compromissos e a nossa praxe, que som os de milhares de independentistas galegas e galegos, com a luita diária pola independência nacional e o socialismo para a Galiza e com a Solidariedade com todas aquelas mulheres e homes que som retaliados por trabalharem por estes objectivos.

5º Animamos a todas as patriotas e os patriotas galegos a vos manterdes firmes frente à chantagem repressiva do Estado e firmes, também, numha prática ética e politicamente irrenunciável como é a da solidariedade com todos os homes e mulheres que som retaliadas por participarem na luita para a liberaçom nacional e social do nosso País.

Foto do Diário Liberdade, de livre reproduçom citando fonte - Manifestaçom de Causa Galiza no último Dia da Pátria