A notícia da sua liberdade foi dada há minutos pola entidade que durante todo este tempo deu solidariedade ao veterano militante da causa obreira e popular em Vigo, o Comité de Solidariedade e Amizade (CSAMT).
Telmo Varela sofre dispersom e outras formas de castigo acrescentado à sua injustificada prisom preventiva, ao ponto de ter agora que ficar livre depois da condena imposta por um tribunal espanhol e tendo já cumprido o período de cárcere correspondente à condena. Os factos de onde parte a prisom e condena de Telmo Varela (junto a Miguel Nicolás) remontam a um ataque incendiário a umha delegaçom do Inem (Instituto de emprego) em Vigo.
Segundo o CSAMT, nos próximos dias haverá umha homenagem popular ao trabalhador do metal viguês, vítima da repressom política espanhola.
Reproduzimos a seguir na íntegra o comunicado emitido polo CSAMT em Vigo.
Telmo Livre!
O companheiro Telmo Varela ficará livre ao longo do dia, abandonando assim a prisom espanhola de Topas, Salamanca.
Aguardamos que nas próximas horas volte a estar connosco no nosso país. Depois de dous anos seqüestrado e dispersado em diferentes prisons do Estado espanhol, esta manhá a juíza que instrui o caso decretava a sua imediata liberdade.
Graças à sua coerente trajetória de luita e entrega à defesa dos interesses do proletariado, Telmo Varela, é um reconhecido sindicalista do metal viguês.
CSAMT reitera que foi este o motivo polo qual as forças repressivas e os meios de comunicaçom ao serviço do poder descarregárom sobre ele toda dureza da repressom e da manipulaçom mediática.
O Comité de Solidariedade e Apoio a Miguel e Telmo (CSAMT) recebe a notícia com suma alegria e congratula-se de termos o Telmo novamente na Pátria. O CSAMT agradece a todas as pessoas e organizaçons que, ao longo dos dous últimos anos, desenvolvêrom de forma constante umha campanha de solidariedade e apoio, exigindo a sua liberdade e levando a rua a menssagem de que a luita obreira nom é delito, e que enquanto os ricos e corruptos ficam livres com impunidade, @sobreir@s combativas e conscientes som repremid@s com dureza.
Animamos a prosseguir sem trégua a luita contra a repressom obreira, e a dar-lhe umha mais que merecida bem-vinda, numha carinhosa homenagem que decorrerá nos próximos dias.