Um passeio de bandeiras da pátria conduziu Santi e José à praça em que muitas amizades e solidárias os estavam a esperar portando faixas com diferentes legendas de bem-vinda. Tanto Ceivar coma A Plataforma que voltem a casa ou Siareiras Galegas quigérom expressar a sua alegria aos dous ex-presos mas sem nengumha destas organizaçons se esquecerem das independentistas presas que ainda estám dispersas por diferentes cadeias espanholas, todas elas à espera de julgamento.
Depois disto, escuitou-se a gravaçom dum discurso de parte das presas independentistas galegas de boca de Antom Santos, quem se alegrava pola liberdade dos dous companheiros e mandava umha mensagem de ánimo e força.
Tanto Santi coma José agradecêrom todas as mostras de apoio recebidas para posteriormente serem agasalhados com sendos loureiros. Para finalizar o ato, coma vem sendo habitual neste atos cantou-se o Hino da Pátria. Um par de horas depois a celebraçom seguiu com umha ceia de convívio em que a alegria foi a nota predominante.
Vídeo de Galiza Contrainfo.