Adiante é a organizaçom juvenil da FPG, partido independentista que nom se pronunciou publicamente sobre as detençons, incomunicaçons e denúncias de tortura a quatro independentistas na semana passada. Sim emitírom comunicados solidários e críticos com a repressom espanhola algumhas assembleias comarcais de Anova (como o caso da de Compostela), na qual a FPG está integrada.
Contodo, a coligaçom liderada por Xosé Manuel Beiras -que concorrerá coligada com IU às vindouras eleiçons galegas- nom se pronunciou no ámbito nacional.
Reproduzimos a seguir o texto de Adiante:
Ante as detencións que se deron esta semana en Galiza, ADIANTE quere amosar o seu rexeitamento a este tipo de procesos xudiciais de corte político orquestrados dende a Audiencia Nacional, por un sistema xudicial que non recoñecemos como lexítimo. Esiximos a liberación de todxs xs presxs políticxs galegxs, e facemos un chamamento á mocidade galega para mostrar a súa solidariedade con elxs.
Este sábado cinco persoas foron detidas. Unha foi posta en liberdade ao momento e as catro restantes foron levadas a declarar ante a Audiencia Nacional en Madrid, amparándose na chamada "Lei antiterrorista", de carácter fascista e que suprime os "dereitos" constitucionais do suxeito. Todos os presos foron postos a disposición xudicial, ordenando o xuíz Pablo Ruz o seu ingreso en prisión preventiva e sen fianza.
Segundo denuncian os acusados, na comisaría recibiron malos tratos físicos e psicolóxicos, produto da permivisidade e complicidade do sistema capitalista, e que levaron a dous deles a firmar declaracións auto-inculpatorias. ADIANTE condena estas actitudes totalitarias que se dan dentro da mal chamada "democracia" e Estado de dereito.
Ante isto, esiximos a derrogación da "Lei antiterrorista" que permite a vulneración dos Dereitos Humanos e permite a dispersión dxs implicadxs, agravando así o seu propio sufrimento e o de familiares e amizades, con quen nos solidarizamos. Tamén criticamos o circo mediático e a actitude da prensa, que tomou a versión policial como verídica, faltando así ao principio da presunción de inocencia.
Foto: Adiante