1º As detençons de 5 independentistas o passado fim-de-semana o único que mostram é o caráter para-policial anti-democrático do Estado espanhol. As montagens espetaculares e a manipulaçom mediática nom podem esconder a realidade, que um dos detidos já foi posto em liberdade sem cargos (mas sem qualquer tipo de desculpa pública) e que nom existem provas de qualquer tipo que permitam esta situaçom de excepcionalidade. Carlos, Jurjo, Koala e Diego atopam-se agora mesmo no mais profundo dos sumidoiros do Estado espanhol, longe de qualquer tipo de garantia processal, democrática e humanitária. Estám no lugar que o Estado espanhol reserva para os seus inimigos e onde se arrancam mentiras mediante a manipulaçom e a tortura.
2º Nom acreditamos na justiça do Estado espanhol porque nom podemos dar veracidade algumha a um sistema policial que envia comunicados de imprensa nos quais nom é necessário citar fontes, um sistema policial denunciado polos principais organismos internacionais, que mantém um Tribunal de Excepçom que conculca todo tipo de direitos processuais. Acreditamos na experiência do movimento popular galego infestado de incriminaçons interessadas e acreditamos na trajetória militante dos independentistas seqüestrados. Concretamente, e sem qualquer tipo de distinçom quanto à solidariedade, lembramos publicamente o papel como ativista estudantil de Carlos Calvo Varela, militante comprometido, sincero e aberto do movimento estudantil contra a implementaçom do Processo de Bolonha na Galiza.
3º Ante esta injusta situaçom, queremos mostrar a nossa completa solidariedade com as famílias, amizades e companhei@s dos patriotas seqüestrados; exigindo o estabelecimento de todas as garantias processais assim como solicitar a sua imediata liberdade.
Liberdade Pres@s Politic@s!!!