Os factos acontecérom quando os piquetes procuravam cortar a rua de aceso à empresa Frigolouro, do grupo COREN, e convencer a um reduzidísimo número de empregados das oficinas para que secundassem a greve, sobre todo depois das agressons e despedimentos sofridos pola quadro de pessoal de Frigolouro.
Posteriormente a serem recriminados pola polícia local e ameaçados com denuncia por "danos no mobiliário público urbano", fôrom retidos, increpados e registados pola guardia civil, que agiu em todo momento com umha atitude chulesca, negando-se a identificar-se.
Depois de valorizar os informes apresentados pola guardia civil, o Julgado de 1ª instância e instruçom nº 1 de Porrinho procedeu a abrir diligências contra os trabalhadores, e à celebraçom de um juiço de faltas por "desordens públicas" e "desobediência à autoridade".
Finalmente, e sem provas plausíveis de delito algum, o juiz absolveu ao companheiro de NÓS-UP e a outro dos implicados, e impuxo umha sançom económica de 50 euros ao terceiro.
Para NÓS-Unidade Popular este é um episódio claro da perseguiçom e repressom que padecem os setores mais conscientes da classe obreira, e que o Estado espanhol aplica estrategicamente para intentar afogar a nossa legítima resposta perante as agressons de Espanha e o Capital. Um episódio mais da vulneraçom dos direitos fundamentais dos trabalhadores e trabalhadoras.
De NÓS-UP queremos manifestar o nossa solidariedade com @s companheir@s represaliad@s.
A luita obreira nom é delito!!
A luita é o único caminho!!
