1 1 1 1 1 1 1 1 1 1 (0 Votos)

250410_manrique.jpgPrimeira Linha - A empresa que gire as instalaçons desportivas compostelanas Multiusos do Sar e o complexo desportivo de Santa Isabel despediu a um destacado militante da CIG após anos anos de perseguiçom e múltiplas repressálias.


O companheiro Francisco Manrique González tem-se destacado por defender incansavelmente os direitos das trabalhadoras e trabalhadores desta empresa frente aos contínuos abusos e duras condiçons de precariedade e limitaçons das actividades sindicais impostas polo seu gerente Antón Antelo e o conselheiro delegado Santiago Cuadrado.

As duras condiçons do conjunto do sector provocárom umha greve nacional de 47 dias durante todo Fevereiro e o mês de Março que logrou boa parte dos objectivos de melhorar as condiçons contratuais e de trabalho. Foi atingindo um incremento salarial de 800 a 1.000€ reduzindo a jornada laboral a 38 horas semanais. Francisco Manrique foi um dos mais destacados promotores desta greve. A consequência da sua firmeza na defesa dos interesses da classe trabalhadora a empresa vinculada com o PSOE, pois José Sanches Bugalho, -presidente da Cámara de Compostela-, é o presidente de XADE, despedia-o sem justificaçom.

Embora na porta das instalaçons Antón Antelo e Santiago Cuadrado impediam a entrada do despedido com dous seguranças contratados para tal efeito a assembleia de trabalhadores/as de XADE e a CIG respaldam ao socorrista solicitando a sua imediata readmisom.

Onte celebrou-se diante do Multiusos do Sar umha concentraçom de apoio. Centos de panfletos fôrom distribuidos entre as milhares de pessoas que se achegavam às instalaçons para participar num evento lúdico. Umha forte presença policial intimidava às dúzias de pessoas concentradas em apoio ao companheiro Manrique dificultando o exercício à liberdade de expressom.

Primeira Linha adire à solicitude de readmisom de Farncisco Manrique e solicita à Cámara Municipal de Compostela um posicionamento de apoio a este companheiro, assim como a rescinsom do contrato assinado com XADE por umha persistente atitude antisindical.

Para mais informaçom consultar www.xadesolidariedade.blogspot.com/

Reproduzimos respeitando a normativa o artigo de opiniom de solidariedade do escritor Bieito Iglesias publicado no jornal El Correo Gallego sexta-feira 16 de Abril.

 

O NADADOR

?O sarau do sábado, no Bernabeu, foi emotivo desde os prolegómenos, pois “merengues” e “polacos” gardaron un minuto de silencio por outros polacos (sen aspas) mortos nun avión sinistrado. Tanto ten finar de accidente aéreo como de accidente cardiovascular pero a sociedade do espectáculo subliña as catástrofes. Os defuntos viñan sendo militares e políticos (co presidente á frente) da elite de Polonia, desta vez a morte apampou o mundo coa espantosa noticia de que tódolos homes son iguais.?

Así que rolou a bóla, a atención xa converxiu nos agonistas, nun Real Madrid de nervios abalados, que pretendía furar a rede culé a velocidade de liscánzaro, e nun Barça sabiamente leccionado por Guardiola, que esperou sereno a ocasión de arrebollar a Casillas. Os blaugranas permaneceron azorrados atrás, brincando ao matraquillo ou futbolín, e, cando o rival quedou embazado igual que un paxaro diante dunha cobra, metéronlle un gol que lle sentou ao conxunto branco como un tute no estómago. A vitoria non tivo a lucería da do ano pasado, porén desatou idéntica alegría entre os seareiros do Barcelona: en Santiago e noutras partes, o brillo que faltou no xogo apareceu no ceo en forma de folión con foguetes de sete estalos.?

Para min sería a festa completa se non botase a faltar o sábado no Sar ao amigo Paco Manrique, compañeiro e profesor meu de natación ata que o despediu a empresa explotadora das piscinas municipais, en represalia polas folgas que promoveu e as mellorías que conseguiu a prol dos empregados desas instalacións deportivas. Vénme ao acordo aquel filme intitulado O nadador, cun Burt Lancaster empeñado en atravesar unha cidade a nado (de piscina en piscina), procurando quizais a pureza adamita dun Edén no que o bañador substitúe á folla de uveira. Haberá que nadar a repelo da inxustiza.

?A loita étnica (simbolizada no fútbol) existe e a loita de clases persiste.

 


Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Microdoaçom de 3 euro:

Doaçom de valor livre:

Última hora

Publicidade
Publicidade
first
  
last
 
 
start
stop

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Eledian Technology

Aviso

Bem-vind@ ao Diário Liberdade!

Para poder votar os comentários, é necessário ter registro próprio no Diário Liberdade ou logar-se.

Clique em uma das opções abaixo.