Várias centenas de mulheres respondêrom à convocatória de numeroso coletivos feministas galegos para marchar no percurso habitual, entre a estaçom dos comboios e a praça da Quintá. Reivindicaçom contra o feminicídio e a precariedade laboral dominárom as palavras de ordem, junto à reclamaçom de direito ao aborto livre, seguro e gratuito.

A convocatória unitária correspondeu à Plataforma Feminista Galega, que lembrou as mais de 15 mulheres assassinadas na Galiza em 2015, umha violência que continuou no atual ano.

A discriminaçom laboral, os índices de precariedade e outras formas exploraçom sempre mais intensas no caso da mulher, estivérom também presentes na jornada reivindicativa, com participaçom nom apenas de organizaçom de mulheres, mas sindicatos e outros coletivos sociais e políticos comprometidos com a causa feminista.

Na praça da Quintá, atuou o grupo 'Havê-las Hai-nas' e lêrom-se poemas reivindicativos.

Foto: GzContrainfo.