1 1 1 1 1 1 1 1 1 1 (0 Votos)

251115 ruGaliza - Agir - Nom se trata de umha efeméride rotineira, mas sim de um importante pretexto para dar visibilidade a uma realidade crua e devastadora, a das múltiplas violências a que as mulheres estamos sujeitas todos os dias, em todos os lugares.


O assédio sexual, a violência doméstica, a discriminaçom, o preconceito, a invisibilidade, a exploraçom, a dupla jornada de trabalho, os estereótipos, a subalternizaçom. Desde que nascemos, vivemos submetidas às leis do Patriarcado e suspeditadas polas relaçons sociais do capitalismo que fomentam atitudes que fam que as mulheres nos sintamos relegadas a um segundo plano e portanto, menos importantes.

Para isto, este sistema atopou na educaçom o seu melhor aliado: o ensino converte-se num espaço no qual as mulheres, desde os primeiros anos de escolarizaçom, somos educadas para crer em fictícias e supostas inferioridades. O Patriarcado vai afiançando assim o seu cometido e as estudantes acabamos acreditando na nossa inferioridade, sobre todo física, com respeito aos homens e, portanto, na nossa incapacidade de defendermo-nos soas.

Neste 25 de Novembro, queremos lembrar a todas as estudantes que, mália o que o patriarcado quer fazer-nos pensar, nós nom somos inferiores aos homens, nem física nem inteletualmente. Somos plenamente conscientes dos perigos aos que nos submete o machismo diariamente, mas também somos conscientes de como é que devemos defender-nos destas agressons: desde a auto-organizaçom feminista, sabendo que só nós próprias podemos derrubar o Patriarcado.

É preciso virar este mundo ao contrário, necesitamos recuperar o control da totalidade da nossa vida e exercer o direito a existir livremente e a desfrutar dos nossos corpos como nós queiramos.

As mulheres organizadas em AGIR seguiremos na luita contra o machismo, o hetero-patriarcado e o fundamentalismo católico até conquistar os nossos direitos como mulheres e como estudantes. Polo que chamamos a participaçom nas seguintes mobilizaçons:

A Corunha: 20.30h Obelisco

Compostela: 20.30h Porta do caminho

Ferrol: 20.30h Praça do Concelho

Lugo: 20.30h Praça do Concelho

Ourense: 20.30h Castanheira

Pontevedra: 20.30h Audiencia Provincial

Vigo: 20h Marco

Avante a luita feminista!


Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Microdoaçom de 3 euro:

Doaçom de valor livre:

Última hora

Publicidade
Publicidade
first
  
last
 
 
start
stop

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Eledian Technology

Aviso

Bem-vind@ ao Diário Liberdade!

Para poder votar os comentários, é necessário ter registro próprio no Diário Liberdade ou logar-se.

Clique em uma das opções abaixo.