1 1 1 1 1 1 1 1 1 1 (0 Votos)

231114 25Galiza - NÓS-UP - 25 de novembro: dia contra o terrorismo machista. A indiferença é cumplicidade. Combate o terrorismo machista!


Neste 25 de novembro, as mulheres galegas seguimos em alerta, plantando cara ao sistema patriarco-capitalista que nos discrimina, oprime, maltrata e assassina com plena impunidade por parte das instituiçons. 

Em contraposiçom ao que oferecem os partidos do sistema, nós nom recorremos a discursos oportunistas carentes de conteúdo ou a consignas hipócritas. NÓS-Unidade Popular defendemos algo polo que levamos luitando coerentemente desde a criaçom da nossa organizaçom: umha transformaçom radical que rache com um sistema opressor e misógino que nos submete polo simples facto de ser mulheres.

Nom entendemos denunciar o terrorismo machista sem falar, por exemplo, das desigualdades salariais, da insultante imagem que oferecem os meios de comunicaçom de nós, das agressons verbais que sofremos nas ruas, das políticas que coarctam os nossos direitos sexuais e reprodutivos ou das consequências de umha reforma educativa que reforça e perpetua a sociedade machista na que vivemos e pretendem que vivam as futuras geraçons.

Permitir todo isso é promover o terrorismo machista, e dar as costas a este tipo de situaçons supom também ser cúmplice, o qual evidencia o fracasso das políticas de prevençom e conscienciaçom. No entanto, de nada serve lamentar-se, reconhecer que a situaçom atual nom se pode sustentar ou assumir discursos derrotistas que incitam a que nom saimos da espiral de violência na que nos vemos imersas contra a nossa vontade.

As mulheres galegas nom nos podemos permitir que o terrorismo machista nom seja umha prioridade nas agendas; nas das instituiçons, nas das organizaçons políticas de esquerda e revolucionárias e nem sequer na nossa própria. O momento de luitar é este, porque sabemos que a mobilizaçom social constante fai que consigamos pequenas vitórias, que sem ser suficientes significam muito e servirám para deixar claro que nós somos parte ativa na revoluçom e que sem mulheres livres nom se chegará a nengumha parte.

Se há algo que após anos de luita temos claro as mulheres galegas é a importância de questionar o oportunismo sistémico no referente às políticas de igualdade e prevençom da violência machista, que por outra parte sempre estám focadas desde umha ótica patriarcal. Além de fazer políticas contrárias às mulheres, quando apresentam as suas supostas soluçons, nos mais dos casos só suponhem um reforçamento encuberto do machismo e levam a umha perigosa desmobilizaçom social.

Só com a luita organizada das mulheres poderemos avançar na nossa libertaçom, evitando baixar a guarda ou que nos fagam crêr que o machismo é um problema do passado. Sabemos que está plenamente vigente e completamente assentado na nossa sociedade. Por todo isto reivindicamos que se lhe conceda a importância que tem, exigindo um compromisso sério e rigoroso pola sua erradicaçom.

Aproveitamos esta data reivindicativa tam sinalada para o feminismo para lembrar todas e cada umha das mulheres que forom assassinadas polo terrorismo machista em 2014.

Nem um só minuto de silêncio por elas!

Avante a luita feminista!

Direçom Nacional de NÓS-Unidade Popular
Galiza, 25 de novembro de 2014

 


Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Microdoaçom de 3 euro:

Doaçom de valor livre:

Última hora

Publicidade
Publicidade
first
  
last
 
 
start
stop

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Eledian Technology

Aviso

Bem-vind@ ao Diário Liberdade!

Para poder votar os comentários, é necessário ter registro próprio no Diário Liberdade ou logar-se.

Clique em uma das opções abaixo.